Павлодарда қалалық полиция басқармасының қызметкерлері Жетекші кентінде орналасқан жеке үйден жасалған ұрлықты ашты. Алдын ала мәлімет бойынша, күдікті терезені күшпен ашып, тұрғын үйге кірген. Үйдің ішіне кіргеннен кейін ол зергерлік бұйымдар мен үй иелерінің мүлкін ұрлап кеткен.
– Жедел-іздестіру іс-шараларының кешені жүргізіліп, нәтижесінде күдіктінің жеке басы анықталды. Ер адам ұсталып, Павлодар қаласы полиция басқармасының уақытша ұстау изоляторына қамалды. Қазіргі уақытта тергеу амалдары жүргізіліп, оқиғаның барлық мән-жайы анықталуда. Сондай-ақ ұсталған адамның осыған ұқсас басқа да қылмыстарға қатыстылығы тексерілуде, – деді Павлодар қаласы полиция басқармасының бастығы Балғабай Қапаров.
Полиция азаматтарға тұрғын үйінің қауіпсіздігін қамтамасыз етуге көңіл бөлу қажеттігін еске салады. Терезелер мен есік ойықтарының беріктігіне ерекше назар аударып, бағалы заттарды қараусыз қалдырмаған жөн.
Ақпарат көзі : https://www.gov.kz/memleket/entities/mvd-pavlodar/press/news/details/1281413?lang=ru
Жауап қалдыру