Аудан әкімі Асланбек Шүйіншәлиев Үшқұдық және Қарақобда ауылдық округтеріне жұмыс сапарымен барып, елді мекендерде атқарылып жатқан жұмыстардың барысын бақылады.
Жерұйық ауылында газ тарту жұмыстары жүргізілуде
Үшқұдық ауылдық округіне қарасты Жерұйық ауылын табиғи газбен қамтамасыз ету мақсатында тиісті жұмыстар жүргізілуде.
Қазіргі таңда ұзындығы 9 шақырым болатын газ құбырын тарту жұмыстары жүзеге асырылуда. Бүгінде магистральдық газ құбырларын орналастыру үшін жер қазу жұмыстары жүргізіліп жатыр.
Құрылыс-монтаж жұмыстарын жүргізуге жауапты мердігер мекеме – «Ерзат» ЖШС.
Қарақобда ауылында балалар және воркаут алаңдары салынуда
Жұмыс сапары Қарақобда ауылында жалғасты. Мұнда балалар мен жастардың бос уақытын тиімді өткізуіне арналған ойын және воркаут алаңдарының құрылысы жүргізілуде.
Жаңа нысандардың пайдалануға берілуі ауыл балалары мен жастарының спортпен шұғылдануына, белсенді демалуына және бос уақытын тиімді өткізуіне қолайлы жағдай жасайды.
Ақпарат көзі : https://www.gov.kz/memleket/entities/aktobe-alga-karaqobda/press/news/details/1281846?lang=ru
Жауап қалдыру