София, 2026 жылғы 28 тамыз – Қазақстанның Болгариядағы Елшілігі Болгария Республикасы Халық жиналысы басшылығының қолдауымен Парламент ғимаратында Ядролық сынақтарға қарсы іс-қимылдың халықаралық күніне және Семей ядролық сынақ полигоны жабылуының 35 жылдығына арналған фотокөрме ұйымдастырды.
Іс-шараға Халық жиналысы 52-шақырылымының депутаттары, соның ішінде Қазақстанмен парламентаралық достық тобының мүшелері, сондай-ақ болгар жұртшылығы мен бұқаралық ақпарат құралдарының өкілдері қатысты.
Қазақстан Елшісі Виктор Темірбаев бұл күннің Қазақстан халқы үшін маңыздылығын атап өтіп, еліміздің ядролық қарудан азат әлемді ілгерілету жолындағы халықаралық күш-жігеріне назар аударды. Қазақстанның бастамасы арқасында 29 тамыз БҰҰ Бас Ассамблеясы бекіткен Ядролық сынақтарға қарсы іс-қимылдың халықаралық күні мәртебесіне ие болғаны атап өтілді.
Бұған қоса, Елші жалпыұлттық референдумда жаңа Конституцияны қабылданғаннан кейін, 23 тамызда өткен Қазақстанның жаңа жалғыз палаталы Парламенті – Құрылтай депутаттарының алғашқы сайлауының ерекше маңызын атап өтті. Оның айтуынша, Парламенттің жаңа құрамын қалыптастыру Қазақстан мен Болгария арасындағы парламентаралық ынтымақтастықты нығайтуға, соның ішінде достық топтарының өзара сапарларын ұйымдастыруға және екі ел депутаттары арасындағы тікелей диалогты дамытуға қосымша мүмкіндіктер ашады.
Қысқаша сөйлеген сөздерінде Болгария Парламентінің мүшелері Қазақстанның ядролық қарусыздану және жаппай қырып-жоятын қаруды таратпау режимін нығайту саласындағы көшбасшылығын жоғары бағалады. Сондай-ақ парламенттік достық тобының қызметі екі ел арасындағы парламентаралық ынтымақтастықты дамытуға қосымша серпін беретініне сенім білдірді.
Фотокөрмеге қатысушылар Қазақстанның ядролық қарусыздану жолындағы «ұлы әрі дана шешімі» туралы әлемдік қауымдастықтың жақсы хабардар екеніне баса назар аударды.
Көрмеде ядролық сынақтар өткен жерлерден алынған бірегей тарихи материалдар: фотосуреттер, Семей полигонының жабылуын растайтын мұрағаттық құжаттар, сондай-ақ «Невада – Семей» антиядролық қозғалысына арналған фотосуреттер ұсынылды.
Ақпарат көзі : https://www.gov.kz/memleket/entities/mfa-sofia/press/news/details/1281949?lang=ru
Жауап қалдыру