Аутизм спектрі бұзылыстары (АСБ) — әдетте ерте балалық шақта байқалатын және коммуникация, әлеуметтік өзара әрекеттесу мен мінез-құлық ерекшеліктерімен байланысты нейро дамудың бұзылыстары тобы.
Қазіргі ғылыми деректер АСБ-ның бір ғана нақты себебі жоқ екенін көрсетеді. Олардың қалыптасуында, ең алдымен, генетикалық факторлар, сондай-ақ генетикалық ерекшеліктердің қоршаған ортаның кейбір факторларымен өзара әрекеттесуі маңызды рөл атқарады.
Ғалымдар ата-аналардың жасы, жүктілік кезіндегі кейбір жағдайлар, жекелеген дәрілік препараттарды қолдану және қоршаған ортаның басқа да факторларын қоса алғанда, әртүрлі ықтимал факторларды зерттеуде.
Сонымен қатар вакцинация АСБ дамуының қауіп факторы ретінде қарастырылмайды: ауқымды эпидемиологиялық зерттеулер вакциналар мен аутизм арасында себеп-салдарлық байланыстың жоқ екенін растайды.
Сондықтан АСБ себептерін одан әрі зерттеу генетикаға, гендер мен қоршаған ортаның өзара әрекеттесуіне, сондай-ақ жүйке жүйесінің дамуына әсер етуі мүмкін басқа да биологиялық механизмдерге бағытталған.
Ақпарат көзі : https://www.gov.kz/memleket/entities/ksek/press/news/details/1283053?lang=ru
Жауап қалдыру