2026 жылғы 26 тамызда Бородулиха аудандық Қоғамдық кеңесінің төрағасы Сауле Тұрсынқызы Урашеваның төрағалығымен Бородулиха аудандық Қоғамдық кеңесінің кезекті отырысы өтті.
Отырыс барысында халықтың өмір сүру сапасына, мемлекеттік органдар мен ауданның әлеуметтік нысандарының қызметіне қатысты маңызды мәселелер қаралды.
Отырысқа Бородулиха ауданының әкімі Талғат Батырұлы Мұратов, аудан әкімінің орынбасары, аудан әкімі аппаратының басшысы, құқық қорғау органдары мен дербес бөлімдердің басшылары, ауылдық және кенттік округтердің әкімдері, аудан жұртшылығының өкілдері және бұқаралық ақпарат құралдарының өкілдері қатысты.
Күн тәртібіндегі алғашқы мәселелердің бірі Бородулиха ауданының жергілікті атқарушы органдары көрсететін мемлекеттік қызметтердің сапасына арналды. Бұл мәселе бойынша Бородулиха ауданы әкімі аппаратының басшысы Асхат Амантайұлы Мұқатай баяндама жасады.
Көрсетілген мемлекеттік қызметтердің сапасына жүргізілген тексеру нәтижелері туралы Абай облысы бойынша Мемлекеттік қызмет істері агенттігі департаментінің мемлекеттік қызметтер басқармасының бас маманы Маржан Берікқызы Мақсұтқан ақпарат берді.
Отырыста балалардың жазғы сауықтыруы мен демалысын ұйымдастыру мәселесіне де ерекше назар аударылды. Бородулиха ауданының білім бөлімінің басшысының міндетін атқарушы Дәулет Моллахметұлы Тұрғұмаев жазғы лагерьлер мен мектеп жанындағы алаңдардың жұмысының қорытындылары, балалардың бос уақытын ұйымдастыру, сондай-ақ жазғы сауықтыру іс-шараларымен қамту туралы ақпарат ұсынды.
Сонымен қатар Бородулиха ауданы тұрғындарына көрсетілетін медициналық көмектің сапасы мен қолжетімділігі мәселесі қаралды. «Бородулиха аудандық ауруханасы» ШЖҚ КМК бас дәрігері Марат Ауесбекұлы Қосамбеков аудандық аурухананың қызметі және оның жұмыс тиімділігін арттыруға, тұрғындар үшін медициналық көмектің қолжетімділігін қамтамасыз етуге бағытталған шаралар туралы баяндады.
Күн тәртібінде ауылдық және кенттік округ әкімдерінің ардагерлер кеңестерімен, ақсақалдар кеңестерімен, жастар және әйелдер кеңестерімен, сондай-ақ басқа да қоғамдық ұйымдармен өзара іс-қимылы мәселесі маңызды орын алды.
Бұл мәселе бойынша Переменов, Дмитриев, Жернов, Подборный және Степной ауылдық округтерінің әкімдері сөз сөйледі.
Ақпарат көзі : https://www.gov.kz/memleket/entities/borodulihamaslikhat/press/news/details/1282506?lang=ru
Жауап қалдыру