Жаңа оқу жылы қарсаңында Ішкі істер министрлігі барлық ата-аналар мен педагогтарға жүгінді, деп хабарлайды ҚазАқпарат NUR.KZ ІІМ–ге сілтеме жасай отырып.
Ведомствода атап өткендей, оқу жылының басталуымен балалар үйден тыс жерде көбірек уақыт өткізеді, мектепке өз бетінше жетеді, секциялар мен үйірмелерге барады.
ІІМ жолдағы қауіпсіздіктің қарапайым ережелерін тағы бір рет еске салу маңызды деп санайды.
Жаңа оқу жылы қарсаңында, 1 қыркүйекте барлық мектептер жол қозғалысы қауіпсіздігін қамтамасыз етуге тексерілгені атап өтілді. Балаларды тасымалдауға арналған барлық автобустар да тексерілді. Анықталған кемшіліктер бойынша ұйғарымдар берілді, оларды жою Оқу жылы басталғанға дейін қамтамасыз етіледі.
ІІМ жол бойында тек рұқсат етілген жерлерде ғана өту керек екенін еске салады.
“Телефон мен құлаққапты алып тастаңыз, абай болыңыз. Велосипедтерді, мопедтерді және электр скутерлерді пайдаланған кезде жол қозғалысы ережелерін сақтауды ұмытпаңыз“, –деп еске салды ІІМ.
Тәртіп сақшылары ата-аналарына бөлек жүгінді.
“Балаңыздың қайда екенін, кіммен сөйлесетінін және нені қызықтыратынын біліңіз. Балалармен жиі сөйлесіңіз. Ең бастысы, қиын жағдайда бала сізге көмек сұраудан қорықпауы керек. Егер балаға қауіп төніп тұрса, “102“ нөміріне қоңырау шалыңыз немесе “111“байланыс орталығына хабарласыңыз. Ішкі істер министрлігі жаңа оқу жылын әр бала үшін қауіпсіз ету үшін қажетті шараларды қабылдауда. Біздің ортақ міндетіміз – қауіптің алдын алу ғана емес, балаларды оны тануға және уақытында көмек сұрауға үйрету. Балаларға қамқорлық жасаңыз“, – деп хабарлады полиция.
Ақпарат көзі : https://www.gov.kz/memleket/entities/kostanai-usunkol-audany-akimat/press/news/details/1283201?lang=ru
Жауап қалдыру