Атырауда ұлттық құндылықтарды дәріптеуге, тарихи-рухани мұраны насихаттауға және өскелең ұрпақтың ұлттық сана-сезімін қалыптастыруға бағытталған «TAMYR» рухани stand-up кеші өтеді.
Тағылымды кеште тарих, ұлттық өнер мен салт-дәстүр, халық ауыз әдебиеті және рухани құндылықтар сөз болады. Негізгі мақсаты – ұлттық мұраны жастарға жаңа форматта таныстырып, тарихи жады мен ұлттық рухтың маңызын түсіндіру.
Кеш спикерлері:
- Дана Нұржігіт – мемлекет және қоғам қайраткері, журналист, музыкант;
- Нұржан Өмірбай – айтыскер ақын, ән мәтіндерінің авторы, журналист, тележүргізуші;
- Әділет Сүйінғалиұлы – терме өнерін насихаттаушы, домбыра үйретуші ұстаз;
- Нұрбол Маратов – халық ауыз әдебиеті мен ұлттық мұраны дәріптеуші спикер.
Іс-шара барысында көрермендер белгілі тұлғалардың өмірлік тәжірибесі мен шығармашылығы, ұлттық өнердің ерекшеліктері, дәстүр сабақтастығы және рухани құндылықтардың қазіргі қоғамдағы орны туралы мазмұнды әңгімелерге куә болады.
Өтетін күні: 4 қыркүйек 2026 жыл
Басталуы: 20:00
Өтетін орны: Облыстық халық шығармашылығы орталығы, А.Байжігітова көшесі, 86А
Шараға қатысу тегін. Тіркелу үшін tamyr_standup Instagram парақшасының био бөліміндегі сілтемеге өтіңіз.
Жоба Атырау облысы Ішкі саясат басқармасының қолдауымен жүзеге асырылуда.
Ақпарат көзі : https://www.gov.kz/memleket/entities/atyrau-sayasat/press/news/details/1283044?lang=ru
Жауап қалдыру