Көкшетауда полицейлер ВАЗ автокөлігін айдап әкету фактісіне күдікті үш адамды ізін суытпай ұстады.
Алдын ала мәліметтер бойынша, екі ер адам мен әйел саяжайға қарай жаяу жүрген. Жол үстінде олар басқа біреудің көлігін пайдалануды шешті. Үйлердің бірінің жанында есіктері ашық және кілттері ішінде тұрған ВАЗ-2106 көлігі байқалды. Ер адамдардың бірі рульге отырып, одан кейін қалғандары да жайғасқан.
Алайда алысқа кету мүмкін болмады: жүргізуші көлікті басқара алмай, автокөлік арыққа қарай жүріп кетті. Жергілікті тұрғындар шуды естіп, полицияға хабарлады.
Оқиға орнына келген патрульдік нарядтар хабарлама келіп түскеннен кейін күдіктілерді 5-7 минут ішінде ұстады.
Осы факті бойынша қылмыстық іс қозғалды. Үшеуі де істегендерін мойындады. Екі қатысушы бұрын мүліктік қылмыстар үшін қылмыстық жауапкершілікке тартылғаны анықталды.
Полиция автокөлік иелеріне қарапайым қауіпсіздік шараларын сақтау керектігін ескертеді.
Көлікті ашық және кілттерді салонда қысқа уақытқа да қалдырмаңыз. Кетер алдында көліктің құлыпталғанына және кілттердің өзіңзбен бірге екеніне көз жеткізу қажет. Мұндай қарапайым сақтық шарасы ұрлықтың алдын алады.
Ақпарат көзі : https://www.gov.kz/memleket/entities/mvd-akmola/press/news/details/1282949?lang=ru
Жауап қалдыру