Жаңа оқу жылы қарсаңында Абай облысы Полиция департаментінің қызметкерлері балаларға көңіл бөлу тек құқық бұзушылықтың алдын алу ғана емес, олардың болашағына деген күнделікті қамқорлық екенін тағы да еске салды. Абай облысы Полиция департаменті Ардагерлер кеңесінің бастамасымен балалар үйінің тәрбиеленушілерімен кездесу өтті. Ардагерлер кеңесінің төрағасы, Полиция басқармасы бастығының орынбасары және кәмелетке толмағандар істері жөніндегі инспектор мекемеге барып, балаларды алдағы оқу жылының басталуымен құттықтады. Ерекше назар кіші топтағы тәрбиеленушілерге аударылды. Оларға жайлы әрі қауіпсіз білім алуға қажетті ортопедиялық мектеп сөмкелері табысталды. Бұл сыйлықтар балалар үшін тек практикалық көмек қана емес, полиция қызметкерлерінің аға буыны тарапынан көрсетілген қолдаудың символына айналды. Кездесу сыйлық табыстаумен ғана шектелген жоқ. Жоғары топтағы тәрбиеленушілермен профилактикалық әңгіме жүргізілді. Оның барысында полиция қызметкерлері қауіпсіз мінез-құлық, заң талаптарын сақтау, құқық бұзушылық жасағаны үшін жауапкершілік, сондай-ақ қоғамдық орындарда және интернет желісінде өзін-өзі ұстау ережелері туралы түсіндірді. Сонымен қатар балаларға жолда абай болу, қауіпті жағдайларға араласпау және қажет болған жағдайда дер кезінде ересектер мен полиция қызметкерлерінен көмек сұраудың маңыздылығы ескертілді. Мұндай кездесулер кәмелетке толмағандар арасындағы құқық бұзушылықтардың алдын алуға ғана емес, сонымен бірге балаларға жанында оларды қолдауға, тыңдауға және көмектесуге дайын ересектер бар екенін сезіндіруге мүмкіндік береді.
Ақпарат көзі : https://www.gov.kz/memleket/entities/mvd-abay/press/news/details/1283662?lang=kk
Жауап қалдыру