Салауатты өмір салтын қалыптастыру және есірткі құқық бұзушылықтарының алдын алу мақсатында Атырау облысы полиция департаментінің Есірткі қылмысына қарсы іс-қимыл басқармасы, «Dosboxing» академиясы және Есірткі құқық бұзушылығының профилактикасы жөніндегі кеңес төрағасының екінші орынбасары, блогер Андрей Котовтың қатысуымен «Спорт – нашақорлыққа қарсы» ұранымен бокстан ашық жаттығу өткізілді. Кәсіби жаттықтырушылар қатысушыларға бокстың негізгі әдіс-тәсілдерін үйретіп, практикалық жаттығулар өткізді.
Үздік нәтиже көрсеткен спортшыларға Есірткі қылмысына қарсы іс-қимыл басқармасының атынан бағалы сыйлықтар табысталды.
Жаттығуға 150-ге жуық жасөспірім қатысып, спорттық белсенділік танытты. Кездесу барысында есірткінің адам денсаулығы мен болашағына тигізетін кері әсері түсіндіріліп, салауатты әрі белсенді өмір салтын ұстанудың маңыздылығы айтылды.
Ақпарат көзі : https://www.gov.kz/memleket/entities/mvd-atyrau/press/news/details/1283805?lang=ru
Жауап қалдыру