Иллюстрация ЖИ көмегімен жасалды
Қарағанды облысында сарапшылардың жаңа буынын даярлауға бағытталған өңірлік Талдау мектебі жұмыс істейді. Қазір жобаға қатысушылардың екінші легіне қабылдау жүргізіліп жатыр. Бағдарлама жастардың деректерді талдау дағдыларын жетілдіріп, заманауи құралдарды тиімді пайдалану арқылы негізделген шешімдер әзірлеу қабілетін дамытуға мүмкіндік береді.
Жобаны Қарағанды облысының жастар саясаты мәселелері жөніндегі басқармасы Taldau AI Analytics талдау орталығының қолдауымен жүзеге асырып отыр. Оқу бағдарламасының негізгі тақырыбы – «Іс-қимыл стратегиясы: Қарағанды облысын дамытудағы Data-Driven тәсіл және ақылды шешімдер».
Қатысушылар Қазақстанның жетекші сарапшылары өткізетін дәрістер мен практикалық сабақтарға қатысады. Бағдарламада деректерді талдау және визуализациялау әдістері, статистикалық мәліметтермен жұмыс істеу, сондай-ақ жасанды интеллект құралдарын қолдану тәсілдері қамтылған. Оқу аяқталған соң командалар өңірдің мемлекеттік органдарына арналған практикалық ұсынымдар әзірлеп, талдамалық материалдар дайындайды.
Жобаға жоғары білімі бар, жасы 40-қа дейінгі жастар қатыса алады. Екінші лек аясында барлығы 60 адамды оқыту жоспарланған.
Қатысуға өтінімдер 2026 жылғы 11 қыркүйекке дейін www.saryarqa-jastary.kz сайты арқылы қабылданады.
Оқу сегіз апта бойы – 18 қыркүйек пен 7 қараша аралығында өтеді. Сабақтар әр сенбі сайын офлайн форматта ұйымдастырылады.
Ақпарат көзі : https://www.gov.kz/memleket/entities/karaganda/press/news/details/1284253?lang=ru
Жауап қалдыру