Қарағанды облысы бойынша Мемлекеттік кірістер департаменті 2025 жыл үшін декларацияларды ұсыну мерзімі 2026 жылғы 15 қыркүйекте аяқталатынын еске салады.
📋 Активтер мен міндеттемелер туралы декларация (250.00 нысаны)
Декларацияны:
1️⃣ ҚР азаматтары мен резиденттері, шетелде активтері бар тұлғалар: жылжымайтын мүлік, көлік, жер, шетелдік компаниялардағы үлестер, бағалы қағаздар, инвестициялық алтын, цифрлық активтер және т.б.;
2️⃣ сайланбалы және мемлекеттік лауазымдарға кандидаттар, сондай-ақ олардың жұбайлары;
3️⃣ банктердің, бағалы қағаздар нарығы және сақтандыру ұйымдарының ірі қатысушысы мәртебесін алуға үміткер тұлғалар, сондай-ақ олардың жұбайлары;
4️⃣ жекеше практикамен айналысатын тұлғалар: нотариустар, адвокаттар, жеке сот орындаушылары, медиаторлар;
5️⃣ цифрлық активтері бар ҚР азаматтары мен резиденттері ұсынады.
📌 Декларацияда Қазақстандағы және шетелдегі мүлік, бағалы қағаздар, цифрлық активтер, инвестициялық алтын, шетелдік компаниялардағы үлестер, 1 000 АЕК-тен асатын шетелдік банктердегі ақша қаражаты, 10 000 АЕК шегіндегі қолма-қол ақша, шетелдік брокерлік шоттар және басқа да мүлік туралы мәліметтер көрсетіледі.
💰 Кірістер мен мүлік туралы декларация (270.00 нысаны)
Декларацияны:
👨💼 мемлекеттік қызметшілер мен оларға теңестірілген тұлғалар, сондай-ақ олардың жұбайлары;
🏦 банктердің, бағалы қағаздар нарығы және сақтандыру ұйымдарының ірі қатысушылары және олардың жұбайлары;
🏢 заңды тұлғалардың 10%-дан астам үлесіне немесе акцияларына иелік ететін басшылары мен құрылтайшылары (қатысушылары), сондай-ақ олардың резидент жұбайлары (коммерциялық емес ұйымдардың қатысушыларын қоспағанда);
⚖️ нотариустар, адвокаттар, жеке сот орындаушылары және медиаторлар;
💵 өздігінен салық салуға жататын табыс алған тұлғалар — мысалы, мүлікті жалға беруден, шетелдік банктік шоттардан, цифрлық активтермен операциялардан және салық төлем көзінде ұсталмаған басқа да табыстардан (ЖК табыстарын қоспағанда);
🌍 шетелдік банктердегі шоттарында 1 000 АЕК-тен асатын ақша қаражаты немесе шетелде активтері бар тұлғалар;
жалғасы төменде:
💻 цифрлық активтер иелері;
🏠 2025 жылы жалпы құны 20 000 АЕК-тен асатын мүлік сатып алған тұлғалар, оның ішінде Қазақстаннан тыс жерлерде сатып алынған мүлік;
📄 салық агентіне алдын ала басқа да шегерімдер сомасын қолдану туралы өтініш берген тұлғалар ұсынады.
📌 270.00 нысанында Қазақстандағы және шетелдегі кірістер мен мүлік, өздігінен салық салуға жататын табыстар, салықтық шегерімдер, мүлікті сатып алу және иеліктен шығару, қымбат мүлікті сатып алу көздері, сондай-ақ шетелдік шоттар, активтер және қарыздар туралы тиісті мәліметтер көрсетіледі.
📲 Декларацияны қалай тапсыруға болады?
Декларацияны:
💻 Салық төлеушінің кабинеті арқылы;
🌐 «электрондық үкімет» порталы арқылы;
📱 e-Salyq Azamat, eGov mobile, Halyk, Bank CenterCredit, Kaspi.kz мобильді қосымшалары арқылы;
📝 қағаз түрінде ұсынуға болады.
⏰ Декларацияны тапсыруды соңғы күнге қалдырмаңыз!
Ақпарат көзі : https://www.gov.kz/memleket/entities/kgd-karaganda/press/news/details/1284969?lang=ru
Жауап қалдыру