1 қыркүйектен бастап қаланың білім беру инфрақұрылымы бірден 12 065 жаңа оқушы орнымен толықты.
Алматыда «Келешек мектептері» жобасы аясында 10 500 орынға арналған жеті жаңа мектеп және «Зерделі» шағынауданында 550 орындық мектеп ашылды. Қайта жаңғыртудан кейін №160 мектеп өз жұмысын қайта бастады, №15 жаңа мектеп-интернаттың құрылысы аяқталды, сондай-ақ №112 және №174 мектептердің қосымша корпустары іске қосылды.
Бұған дейін қалада 24 300 оқушыға есептелген «Келешек мектептері» жобасының 14 мектебі енгізіліп қойған болатын.
Жаңа оқу жылында Алматы мектептерінде 42 мыңнан астам ұстаз еңбек етуде, ал мектеп автобустарымен 11 496 бала қамтамасыз етіледі.
32 мыңнан астам жас алматылық алғаш рет бірінші сынып оқушысы ретінде мектеп табалдырығын аттады.
Ақпарат көзі : https://www.gov.kz/memleket/entities/almaty-bala/press/news/details/1284902?lang=ru
Жауап қалдыру