Шахтинскіде ең үздік аула анықталады. Байқау басталып, қазірдің өзінде тұрғындардан өтінімдер қабылданып жатыр. Қорытынды қыркүйек айында шығарылып, жеңімпаздар марапатталады. Бастама қалалық аумақтарды таза, көгалдандырылған әрі жайлы етуге бағытталған және «Таза Қазақстан» ұлттық бағдарламасының мақсаттарына сәйкес келеді.
Байқауға көппәтерлі тұрғын үйлердің тұрғындары, бастамашыл топтар, МИБ төрағалары мен ТББ өкілдері қатыса алады.
Байқау комиссиясы аумақтың тазалығы мен санитарлық жағдайын, тұрғындардың белсенділігін, балалар және спорт алаңдарының жай-күйін, абаттандырылуы мен көгалдандырылуын, сондай-ақ ауланың жалпы сыртқы келбетін бағалайды.
Өтінімдер қаралып, 8-15 қыркүйек аралығында аумақтарға барып, жергілікті жердегі жағдаймен танысу жоспарланған. Байқау қорытындысы 18 қыркүйекке дейін жарияланады.
Жүлде қоры – 500 мың теңге. Ақшалай сыйлық бір жеңімпазға берілуі немесе бірнеше жүлдегер арасында бөлінуі мүмкін.
Ақпарат көзі : https://www.gov.kz/memleket/entities/karaganda/press/news/details/1284871?lang=ru
Жауап қалдыру