Елордадағы Нұра ауданында есірткі құқық бұзушылықтарының алдын алу және тұрғын үй секторындағы қауіпсіздікті арттыру мәселелеріне арналған полиция, коммуналдық қызметтер және мүлік иелері бірлестіктері өкілдерінің кездесуі өтті.
Кездесу барысында бейнебақылау жүйесін күшейтуге, көппәтерлі тұрғын үйлер мен аула аумақтарының қауіпсіздігін қамтамасыз етуге ерекше назар аударылды. Қатысушылар құқық бұзушылықтардың жасалуына ықпал етуі мүмкін факторларды анықтау және жою бойынша бірлескен жұмыстың қажеттілігін талқылады.
Тұрғындармен өзара іс-қимыл мәселелеріне де ерекше көңіл бөлінді. МИБ өкілдеріне есірткі заттарының таралуына, есірткіге қатысты граффитилердің пайда болуына немесе өзге де заңға қайшы әрекеттерге байланысты күдік туғызатын жағдайлар анықталған кезде қайда жүгіну керектігі түсіндірілді. Құқық қорғау органдарына уақтылы ақпарат беру мұндай фактілерге жедел ден қоюға мүмкіндік береді.
Сонымен қатар тұрғын үйлер мен коммуналдық инфрақұрылым нысандарына профилактикалық материалдар және тұрғындар көмек алу немесе құқық бұзушылық туралы хабарлау үшін жүгіне алатын қызметтердің байланыс деректері көрсетілген ақпараттық плакаттарды орналастыру жоспарлануда.
Қатысушылар мұндай кездесулердің және полиция, коммуналдық қызметтер, МИБ пен тұрғындар арасындағы тұрақты өзара іс-қимылдың маңыздылығын атап өтті. Есірткі құқық бұзушылықтарының алдын алу – баршаға ортақ міндет. Тек бірлескен күш-жігердің арқасында елорданың аулалары мен тұрғын алаптарында қауіпсіз орта қалыптастыруға болады.
Полиция тұрғындарды бейжай қалмауға шақырады: ықтимал құқық бұзушылықтар туралы ақпарат болған жағдайда құқық қорғау органдарына уақтылы хабарласу қажет.
Ақпарат көзі : https://www.gov.kz/memleket/entities/mvd-astana/press/news/details/1285891?lang=ru
Жауап қалдыру