Астанада өңірлер мамандарына кураторлық сүйемелдеу көрсету шеңберінде Трансплантаттау және жоғары технологиялық медициналық қызметтерді үйлестіру жөніндегі республикалық орталық жыл сайын ұйымдастыратын трансплант-үйлестірушілердің республикалық конференциясы өтті.
Бүгінде Қазақстанда 20 өңірлік және 29 стационарлық трансплант-үйлестіруші жұмыс істейді. Конференция олардың кәсіби біліктілігін арттыруға, тәжірибе алмасуға және қызметтің өзекті мәселелерін талқылауға арналған алаңға айналды.
Іс-шара барысында қайтыс болғаннан кейінгі донорлық, ми өлімін диагностикалау, медициналық командалардың өзара іс-қимылы және әлеуетті донорлардың отбасыларымен жұмыс істеу мәселелеріне баса назар аударылды.
Бағдарламаның жеке бөлімі трансплант-үйлестірушілердің коммуникациялық және психологиялық жұмыс аспектілеріне арналды. Талқылауға медицина, психология және коммуникациялар саласындағы мамандар қатысты. Қатысушылар өңірлік мамандардың жұмысында қолдануға болатын практикалық кейстер мен тәсілдерді қарастырды.
«Жыл сайынғы конференция трансплант-үйлестірушілердің жұмысында бірыңғай кәсіби тәсілді қалыптастыруға, практикалық тәжірибе алмасуға және өңірлерде туындайтын мәселелерді уақтылы талқылауға мүмкіндік береді. Бұл – донорлық пен трансплантаттауды дамыту бойынша жүйелі жұмысымыздың маңызды бөлігі», – деп атап өтті Трансплантаттауды үйлестіру жөніндегі республикалық орталықтың директоры Айдар Ситказинов.
2026 жылы Қазақстанда қайтыс болғаннан кейінгі 12 донордан ағзаларды трансплантаттау бойынша 39 операция жасалды.
Трансплант-үйлестірушілердің кәсіби дамуы және өңірлердің арасындағы өзара іс-қимылды жетілдіру донорлық пен трансплантаттаудың ұлттық жүйесін дамытудың маңызды бағыттары болып қала береді.
Ақпарат көзі : https://www.gov.kz/memleket/entities/dsm/press/news/details/1286183?lang=ru
Жауап қалдыру