17-19 қыркүйек аралығында Өскемен қаласында облыстық «Туған жер – алтын бесігім» жобасы аясында Алтай ауданының мәдени күндері өтеді.
17 қыркүйек күні сағат 10:00-де Сәрсен Аманжолов атындағы Шығыс Қазақстан университетінің студенттерімен кездесу өтеді.
18 қыркүйек күні сағат 10:00-ден бастап қала тұрғындары мен қонақтарын Арбатқа шақырамыз. Бұл жерде сіздер Алтай ауданымен жақынырақ танысып, оны балалар мен суретшілердің көзімен көре аласыздар, табиғаты, туризмі мен экологиялық бастамалары туралы көбірек біле аласыздар, сондай-ақ өлкенің мәдениеті мен дәстүріне қанығасыздар. Әрине, болашаққа да көз жүгіртіп, заманауи технологиялар мен жасанды интеллекттің бүгінде Алтайға жаңа мүмкіндіктер ашып отырғанына куә боласыздар.
Сағат 17:00-де Шығыс Қазақстан облыстық филармониясында «Алтай: цифрлық болашақ аумағы» көрмесіне шақырамыз. Мұнда ауданның бүгінгі тыныс-тіршілігімен танысып, оның жетістіктерін, қызықты жобалары мен Алтай тұрғындарының өміріне еніп келе жатқан заманауи шешімдерді көре аласыздар.
Сағат 18:00-де филармонияның концерт залында Алтай ауданының шығармашылық ұжымдарының қатысуымен үлкен концерттік бағдарлама өтеді.
19 қыркүйек күні сағат 08:00-де «Алтай» көтерме-бөлшек сауда орталығында өтетін ауыл шаруашылығы жәрмеңкесіне шақырамыз. Жергілікті өндірушілердің жаңа өнімдері, мол таңдау және тауарларды аудан өндірушілерінің өзінен тікелей сатып алу мүмкіндігі сіздерді күтеді.
Ақпарат көзі : https://www.gov.kz/memleket/entities/akimvko/press/news/details/1286862?lang=ru
Жауап қалдыру