Зеренді ауданындағы Садовое ауылынан Көкшетау қаласының Красный Яр ауылындағы Умышев көшесіне дейінгі автомобиль жолының учаскесінде орташа жөндеу жұмыстары жүргізілуде.
«Жол төсемін тегістеу жұмыстары өткен жылы басталған болатын. Алайда жөндеу жұмыстары жаз мезгілінде белсенді кезеңге өтті. Барлық жұмыс белгіленген мерзімдерге сәйкес жүргізілуде», – деді Ақмола облысының жолаушылар көлігі және автомобиль жолдары басқармасы басшысының орынбасары Жұмабек Хайролла.
Бүгінде нысанда 50-ге жуық адам және 20-дан астам арнайы техника – асфальт төсегіштер, жол катоктары мен жүк көліктері жұмыс істеуде. Жолдың шұңқырлы және отыратын учаскелерін жою, негізді ресайклинг әдісімен өңдеу жұмыстары жүргізіліп, асфальтбетон жабынының екі қабаты төселді.
Мердігер ұйым – «Көкшетау жолдары» ЖШС өкілдерінің айтуынша, асфальт төсеу жұмыстары апта соңына дейін аяқталады. Ал жол жиектерін нығайтуға қатысты қалған жұмыстар қыркүйек айының соңына дейін жалғасады.
Айта кетейік, өңірде 2026 жылға 400 шақырым жолды жөндеу жоспарланған. Бүгінде жұмыстардың 85%-ы аяқталды.
Ақпарат көзі : https://www.gov.kz/memleket/entities/aqmola/press/news/details/1288283?lang=ru
Жауап қалдыру