Ақмола облысында жалпы білім беретін ұйымдардағы балалардың қауіпсіздігі мен білім алу жағдайларына санитариялық-эпидемиологиялық бақылау жалғасуда. Бұл туралы Ақмола облысының санитариялық-эпидемиологиялық бақылау департаменті басшысының орынбасары Сауле Садвакасова брифинг барысында мәлімдеді.
Басты назар мектептер мен асханалардың санитариялық жағдайына, тамақтануды ұйымдастыру талаптарының сақталуына, жөндеу жұмыстарының жүргізілуіне және нысандардың жаңа оқу жылына дайындығына аударылуда.
Мемлекеттік бақылаудың жаңа тәсілдері аясында биыл мектептер мен асханалардың оқу жылына дайындығына мониторинг жүргізілді. Анықталған бұзушылықтар бойынша нысандардың басшыларына оларды жою жөнінде нұсқамалар беріліп, санитариялық-эпидемиологиялық қауіпсіздікке қауіп төндіретін жағдайларда тиісті ден қою шаралары қабылданды.
Жұмыстың маңызды бағыттарының бірі — мектептерде сапалы әрі қауіпсіз тамақтануды қамтамасыз ету. Білім беру ұйымдарында балалардың жас ерекшеліктері мен ерекше диеталық қажеттіліктерін ескеретін, теңгерімді тамақтануды көздейтін жаңа Тамақтану стандартының талаптары іске асырылуда.
Қазіргі уақытта Департамент анықталған бұзушылықтардың жойылуына бақылауды жалғастырып, жүргізілген мониторинг нәтижелерін талдауда. Негізгі мақсат — облыс мектептерінде балалардың білім алуы мен болуы үшін қауіпсіз әрі санитариялық тұрғыдан қолайлы жағдайларды қамтамасыз ету.
Ақпарат көзі : https://www.gov.kz/memleket/entities/departament-kkbtu-akmolinsk/press/news/details/1289065?lang=ru
Жауап қалдыру