Қазақстан Республикасы Төтенше жағдайлар министрлігінің азаматтық қорғау саласындағы мамандардың кәсіби даярлығын арттыру бағытындағы жұмыстары жүйелі түрде жалғасуда.
Есепті кезеңнің 8 айында ҚР ТЖМ «Азаматтық қорғау саласындағы ғылыми зерттеулер, даярлау және оқыту ұлттық орталығы» АҚ-да 1 473 адам оқудан өтті.
Жалпы жоспар бойынша 1 671 тыңдаушыны оқыту көзделген. Осылайша, есепті кезеңде жоспардың 88,2 пайызы орындалды.
Оқыту азаматтық қорғау саласындағы жауапты басшылар мен мамандарды даярлау мақсатында орталық және жергілікті атқарушы органдардың өкілдері үшін ұйымдастырылды. Атап айтқанда, орталық мемлекеттік органдардың 620 өкілі оқытылды, жоспар бойынша 777 адам, жергілікті атқарушы органдардың 853 өкілі оқытылды, жоспар бойынша – 894 адам.
Оқу барысында азаматтық қорғау іс-шараларын ұйымдастыру, төтенше жағдайлардың алдын алу және оларды жою, төтенше жағдайлар кезінде басқару органдарының өзара іс-қимылын қамтамасыз ету, сондай-ақ халықтың қауіпсіздігін қамтамасыз ету мәселелеріне ерекше назар аударылады.
Мамандарды даярлау азаматтық қорғау саласындағы қолданыстағы заңнама талаптарына сәйкес жүргізіледі. Оқыту барысында тыңдаушыларға төтенше жағдайлар туындаған кезде дұрыс шешім қабылдау, азаматтық қорғау күштері мен құралдарының жұмысын ұйымдастыру және авариялық-құтқару және шұғыл жұмыстарды жүргізу бойынша қажетті білім мен практикалық дағдылар беріледі.
Азаматтық қорғау саласындағы басшылар мен мамандардың кәсіби даярлығы – төтенше жағдайларға ден қою жүйесінің тиімділігін арттырудың маңызды факторларының бірі.
ҚР ТЖМ азаматтық қорғау саласындағы кадрлардың біліктілігін арттыру және кәсіби даярлау бойынша жұмыстарды одан әрі жалғастырады.
Ақпарат көзі : https://www.gov.kz/memleket/entities/kgovch/press/news/details/1290417?lang=ru
Жауап қалдыру