2026 жылғы 11 қыркүйекте Өскемен қаласы әкімінің орынбасары Б.О. Мамарбаевтың төрағалығымен әлеуметтік әріптестік және әлеуметтік-еңбек қатынастарын реттеу жөніндегі қалалық үшжақты комиссияның отырысы өтті.
Комиссияның жұмысына Шығыс Қазақстан облысы бойынша Мемлекеттік еңбек инспекциясы департаментінің еңбек заңнамасы бөлімінің басшысы К.С. Ергазинов қатысты.
Отырыстың күн тәртібіне сәйкес келесі мәселелер қаралды:
- Қала кәсіпорындарында орын алған өндірістік жарақаттану жағдайларына жол бермеу бойынша қабылданып жатқан шаралар туралы.
- «Тарғын-Күзет» ЖШС-де жалақы төлеу бойынша берешек туралы.
Бірінші мәселе бойынша «ҮМЗ» АҚ бериллий өндірісінің еңбекті қорғау және қоршаған ортаны қорғау жөніндегі бас техникалық жетекшісінің міндетін атқарушы А.М. Орынбаевтың, сондай-ақ «Прима Дистрибьюшн» ЖШС-нің Өскемен қаласындағы филиалының директоры Т.Д. Смирнованың ақпараты тыңдалды.
Мәселені қарау қорытындысы бойынша отырысқа қатысушылар кәсіпорындарда өндірістік жарақаттанудың алдын алу, қауіпсіз еңбек жағдайларын қамтамасыз ету және еңбек заңнамасының талаптарын сақтау бойынша қабылданып жатқан шараларды талқылады.
Ақпарат көзі : https://www.gov.kz/memleket/entities/vko-enbek/press/news/details/1290391?lang=ru
Жауап қалдыру