2026 жылғы 11 қыркүйекте Қазақстан Республикасы Атом энергиясы жөніндегі агенттігінің Атомдық қадағалау мен бақылау комитетінде Қазақстан азаматтарына құқықтық көмек көрсету мақсатында республикалық кең ауқымды акция өтті.
Іс-шара барысында ядролық және радиациялық қауіпсіздік, ядролық физикалық қауіпсіздік, лицензиялау, атом энергиясын пайдалану саласындағы персоналды аттестаттау, сондай-ақ тиісті қызметті жүзеге асыру барысында жеке және заңды тұлғаларда туындайтын практикалық мәселелер бойынша өзекті мәселелер талқыланды.
Әкімшілік рәсімдерге, есептілікке қойылатын талаптарға және мемлекеттік қызметтерді көрсетуге, оның ішінде лицензиялау саласында жасанды интеллект технологияларын қолдану мүмкіндіктеріне ерекше назар аударылды.
Сондай-ақ персоналды аттестаттау және ықтимал қауіпті көздермен жұмыс істейтін мамандарға қойылатын біліктілік талаптары талқыланды.
Талқылау барысында радиоактивті қалдықтарды жинауды, сақтауды және көмуді ұйымдастыру, сақтау мерзімдерін белгілеу, сондай-ақ сұйық радиоактивті қалдықтарды басқаруды қоса алғанда, радиоактивті қалдықтармен жұмыс істеу мәселелеріне айтарлықтай көңіл бөлінді. Медициналық мекемелерде түзілетін радиоактивті қалдықтардың ерекшеліктерін нормативтік-құқықтық базаны әзірлеу және жетілдіру кезінде ескерудің қажеттілігіне жеке назар аударылды.
Ақпарат көзі : https://www.gov.kz/memleket/entities/atomic-control/press/news/details/1291481?lang=ru
Жауап қалдыру