Елордада еліміздің әр өңірінен келген автоспорт әуесқойлары мен көрермендердің басын қосқан «Дерби» автомобиль фестивалі өтті.
Жарқын автошоу Астана қаласы әкімдігінің қолдауымен ұйымдастырылды. Іс-шараның ұйымдастырушысы – Автомотоспорт федерациясының президенті, Астана қаласы Полиция департаменті жанындағы есірткі құқық бұзушылықтарының алдын алу жөніндегі кеңес мүшесі.
Фестиваль аясында «Астана – есірткісіз қала!» атты профилактикалық акция ұйымдастырылып, оның негізгі мақсаты – есірткі қылмыстары мен құқық бұзушылықтарының алдын алу, сондай-ақ салауатты әрі белсенді өмір салтын насихаттау.
Іс-шара барысында қатысушылар мен көрермендерге есірткі заттарын қолдану мен таратудың зардаптары түсіндіріліп, жастарды қауіпсіз әрі пайдалы демалыс түрлерін таңдауға шақырды.
Полиция департаменті спортты, белсенді демалысты және қоғамдық профилактиканы біріктіретін бастамаларды қолдайды. Мұндай іс-шаралар жастармен түсінікті әрі жақын тілде қарым-қатынас орнатуға, өз таңдауы үшін жауапкершілік сезімін қалыптастыруға және деструктивті бос уақытқа балама ұсынуға мүмкіндік береді.
Полиция спорт қауымдастығы, қоғамдық ұйымдар және белсенді азаматтармен бірлескен бастамалардың «Заң және тәртіп» қағидатын қалыптастыруда және қауіпсіз қалалық ортаны құруда маңызды рөл атқаратынын атап өтті.
Ақпарат көзі : https://www.gov.kz/memleket/entities/mvd-astana/press/news/details/1292191?lang=ru
Жауап қалдыру