Жетісу облысында отбасылық- тұрмыстық жанжалдардың алдын алу жұмыстары жүргізілуде

Жетісу облысында отбасылық- тұрмыстық жанжалдардың алдын алу жұмыстары жүргізілуде

Жетісу облысы Полиция департаментінің қызметкерлері Қаратал ауданында отбасылық- тұрмыстық қатынастар саласында құқық бұзушылық жасауға бейім тұлғалармен және профилактикалық есепте тұрған отбасылармен кездесу өткізді.

Кездесу барысында полиция қызметкерлері заң талаптарын сақтау, отбасы мүшелеріне қатысты зорлық-зомбылық пен құқыққа қайшы әрекеттерге жол бермеу қажеттігін түсіндірді. Сондай-ақ қайталама құқық бұзушылықтардың алдын алу, азаматтардың құқықтары мен қауіпсіздігін қамтамасыз ету мәселелеріне ерекше назар аударылды.

Жыл басынан бері Жетісу облысында отбасылық- тұрмыстық қатынастар саласына байланысты 115 қылмыстық іс тіркелді. Құқыққа қайшы әрекеттерге бейім тұлғаларға қатысты 1 463 қорғау нұсқамасы шығарылып, 373 ерекше талап белгіленді.

Сонымен қатар, Қазақстан Республикасының Әкімшілік құқық бұзушылық туралы кодексінің 73- бабы бойынша 874 адам әкімшілік жауапкершілікке тартылды.

Қорғау нұсқамасын бұзғаны үшін 113 адам, сот қаулысының талаптарын орындамағаны үшін 184 адам жауапкершілікке тартылды.

Бұл бағыттағы профилактикалық жұмыстар жалғасуда.

Осы бағыттағы профилактикалық жұмыстар жалғасуда. Полиция қызметкерлері отбасылық-тұрмыстық жанжалдардың алдын алу, зардап шеккендерді қорғау және қайталама құқық бұзушылықтарға жол бермеу бойынша тиісті шаралар қабылдауда.

Ақпарат көзі : https://www.gov.kz/memleket/entities/zhetysu-karatal-tastobe/press/news/details/1291871?lang=ru