“Заң мен тәртіп” тұжырымдамасы мен “Айқын нәтиже” жобасы аясында Екібастұз қаласындағы №4 мектепте оқушыларға арналған танымдық іс-шара өтті.
Кездесуге Екібастұз қаласы полиция басқармасының бастығы Төлеген Құдайбергенов қатысты. Ол оқушыларға оқуда табыс, зор денсаулық, жақсы достар, жаңа жетістіктер және өз күштеріне деген сенім тіледі.
Іс-шара барысында оқушылар құқықтық квестке қатысып, өздерінің құқықтары мен міндеттері, қауіпсіз мінез-құлық ережелері және жасаған әрекеттері үшін жауапкершілік туралы білімдерін сынады.
Спорттық эстафеталар да оқушылардың қызығушылығын арттырды. Балалар жылдамдық пен ептіліктерін көрсетіп, командалық рух пен өзара қолдаудың маңызын танытты. Көңілді сайыстар мен белсенді тапсырмалар қатысушыларға көтеріңкі көңіл-күй сыйлады.
Мұндай іс-шаралар жасөспірімдердің құқықтық мәдениетін қалыптастырып, жауапкершілігін арттыруға және заңға құрметпен қарауын қалыптастыруға ықпал етеді.
Ақпарат көзі : https://www.gov.kz/memleket/entities/qriim/press/news/details/1294072?lang=ru
Жауап қалдыру