2026 жылғы 17 қыркүйекте облыстық мәслихаттың әлеуметтік сала және үкіметтік емес ұйымдармен өзара іс қимыл мәселелері жөніндегі тұрақты комиссиясының отырысы өтті
Бүгін, 2026 жылғы 17 қыркүйекте Қостанай облыстық мәслихаты тұрақты комиссиясының төрағасы Махаббат Сағынбайұлы Жутаевтың төрағалығымен облыстық мәслихаттың әлеуметтік сала және үкіметтік емес ұйымдармен өзара іс-қимыл мәселелері жөніндегі тұрақты комиссиясының отырысы өтті.
Қостанай облыстық мәслихатының 2026 жылға арналған жұмыс жоспарын іске асыру шеңберінде тұрақты комиссия отырысында ауылдық округтердегі мәдениет объектілері мен клуб мекемелерінің жай-күйі туралы мәселе қаралды.
Қостанай облысы әкімдігі мәдениет басқармасы басшысының орынбасары Гүлден Шаяхметқызы Сәрсембаева баяндама жасады.
Отырыс барысында депутаттар ауылдық округтердегі мәдениет объектілері мен клубтық мекемелердің ағымдағы жай-күйін, материалдық-техникалық жарақтандыру, ағымдағы және күрделі жөндеу жүргізу, мекемелерді қажетті жабдықтармен қамтамасыз ету, сондай-ақ кадрлармен қамтамасыз ету және халықтың мәдени-демалыс қызметін ұйымдастыру үшін жағдайлар жасау мәселелерін талқылады.
Мәселені қарау қорытындысы бойынша депутаттар ауылдық елді мекендердегі мәдениет объектілерінің жай-күйін жақсартуға, көрсетілетін мәдени қызметтердің сапасын арттыруға, клуб мекемелерінің материалдық-техникалық базасын нығайтуға, жөндеу жұмыстарын уақтылы жүргізуге, сондай-ақ халық пен мәдениет саласының қызметкерлері үшін қолайлы жағдайлар жасауға бағытталған бірқатар ұсыныстар енгізді.
Қанағаттанарлықсыз жағдайда тұрған мәдениет объектілеріне, сондай-ақ ауылдық елді мекендер тұрғындарының мәдени іс-шаралар мен қызметтерге тең қолжетімділігін қамтамасыз етуге ерекше назар аудару ұсынылды.
Отырыс қорытындысы бойынша тұрақты комиссия жауапты мемлекеттік органдарға тиісті ұсынымдар берді.
Ақпарат көзі : https://www.gov.kz/memleket/entities/kostanai-oblys-apparaty/press/news/details/1294977?lang=ru
Жауап қалдыру