Бүгін Астана қаласының Инвестициялар және кәсіпкерлікті дамыту басқармасы, «Астанагенплан» ҒЗЖИ» ЖШС, «Байқоңыр» ауданының Төтенше жағдайлар басқармасы және инвестор – «Электровоз құрастыру зауыты» ЖШС өкілдерінің қатысуымен жұмыс кеңесі өтті.
Кеңесте нысанды қажетті өртке қарсы инфрақұрылыммен қамтамасыз ету, оның ішінде өрт қауіпсіздігі талаптарына сәйкес өрт сөндіру депосының нормативтік қызмет көрсету радиусын сақтау мәселелері талқыланды. Қатысушылар нысанның орналасу ерекшеліктерін, қазіргі жағдайды және өрт қауіпсіздігін қамтамасыз ету үшін қажетті шараларды қарастырды.
Кеңес қорытындысы бойынша алдағы бірлескен жұмыстың бағыттары айқындалып, мүдделі тараптармен қосымша пысықтауды қажет ететін мәселелер белгіленді. Мұндай кездесулер мемлекеттік органдар мен инвестордың іс-қимылын үйлестіруге және инвестициялық жобаны іске асыру үшін қажетті жағдайлар жасауға мүмкіндік береді.
Ақпарат көзі : https://www.gov.kz/memleket/entities/astana-uir/press/news/details/1295892?lang=ru
Жауап қалдыру