Қайрат Бекмағанбетов: Электр желілерінің де өз «жедел жәрдемі» бар

Қайрат Бекмағанбетовтің жұмыс күні елорда әдеттегі ырғағына енбестен әлдеқайда бұрын басталады.

Қайрат Кенесұлы – «Астана – Аймақтық Электржелілік Компаниясы» АҚ жедел-көшпелі қызметі учаскесінің аға шебері. Оның жұмысына бригаданың үйлесімді әрекеті, ақауларды жедел жою және түптеп келгенде, тұтынушыларды электр энергиясымен үздіксіз әрі сенімді қамтамасыз ету байланысты.

Жедел шығу қызметін электр желілерінің «жедел жәрдеміне» теңеуге болады. Шақырту түскен кезде мамандар жағдайды жылдам бағалап, ақаудың себебін анықтап, электрмен жабдықтауды қалпына келтіру үшін қажетті шараларды қабылдауы тиіс.

Бұл жұмыс тек кәсіби білімді ғана емес, жоғары зейін мен жинақылықты талап етеді. Жедел шығу қызметінің жауапкершілік аймағына 0,4–6–10–20 кВ кернеулі кабельдік және әуе желілері, комплектілі және трансформаторлық қосалқы станциялар, тарату пункттері, сондай-ақ 110 кВ кернеулі 15 қосалқы станция кіреді.

Қайрат Кенесұлының «Астана – Аймақтық Электржелілік Компаниясында» еңбек жолы 1984 жылы электромонтер қызметінен басталған. Осы жылдар ішінде ол аға шеберге дейінгі жолдан өтіп, мол кәсіби тәжірибе жинақтады және елорданың электр желілерін терең меңгерді.

Заманауи технологиялар көптеген процестерді қашықтан бақылауға мүмкіндік бергенімен, жедел шығу қызметінің мамандары әлі де таптырмас күш болып қала береді. Жұмыстардың едәуір бөлігі, соның ішінде көптеген ауыстырып-қосу операциялары, мамандардың нысанға тікелей баруын талап етеді.

Қайрат Кенесұлы үшін қауіпсіздік – жай ғана талап емес, күнделікті ұстаным. Әрбір ұсақ-түйекке мұқият болу, тәртіп пен жауапкершілік оның кәсібінің ажырамас бөлігіне айналған.

Адал азамат – өз ісін жауапкершілікпен атқаратын, әріптестері үшін сенімді тірек бола алатын және еңбегінің басқа адамдар үшін қаншалықты маңызды екенін түсінетін адам. Осындай мамандардан жауапкершілік энергиясы қалыптасады. Бұл – елорданың электрмен жабдықтау жүйесінің сенімділігін күн сайын қамтамасыз етіп жүрген жандардың энергиясы.

Ақпарат көзі : https://www.gov.kz/memleket/entities/energo/press/news/details/1296321?lang=ru