Адам папилломавирусы (АПВ)- адамнан адамға,көбінесе жыныстық жолмен берілетін кең таралған вирустық инфекция. Оның көптеген түрі бар. Кейбір түрлері сүйелдер тудырса, жоғары онкогенді түрлері ұзақ уақыт сақталған жағдайда жатыр мойны обырының және басқа да қатерлі ісіктердің даму қауіпін арттыруы мүмкін.
АПВ-ға қарсы вакцинация — АПВ-дан және онымен байланысты аурулардан қорғауға көмектесетін екпе.
Вакцинацияны 11–13 жас аралығында жүргізу ұсынылады. Әдетте бұл жаста кемінде 6 ай аралықпен екі доза жеткілікті.
Егер вакцинация 14–17 жаста басталса, әдетте үш доза ұсынылады. Олар қолданылатын вакцинаға байланысты мына сызбалардың бірі бойынша енгізіледі: 0, 1 және 6 айдан кейін немесе 0, 2 және 6 айдан кейін.
Иммун тапшылығы, яғни иммундық жүйесі әлсіреген адамдарға вакцинацияны қай жаста бастағанына қарамастан, үш доза ұсынылады.
Нақты сызбаны вакцинаның нұсқаулығынан және медицина маманынан анықтау қажет.
Қауіпсіз жыныстық мінез-құлық — мүшеқаптарды пайдалану АПВ жұқтыру қаупін азайтады, бірақ одан толық қорғамайды, өйткені вирус мүшеқап жаппайтын тері аймақтарымен жанасу арқылы да берілуі мүмкін.
Жеке бас гигиенасын сақтау.
Жатыр мойны обырына тұрақты скринингтен өту — обыр алды өзгерістерді, яғни уақыт өте келе обырға әкелуі мүмкін жасушалық өзгерістерді дер кезінде анықтауға және олардың дамуын болдырмау үшін шаралар қабылдауға көмектесетін профилактикалық тексеру. адамдарға АПВ, оның берілу жолдары және қорғану шаралары туралы ақпарат беру.
Қорытынды: АПВ-ның алдын алу үшін вакцинацияны вакцинация басталған жас пен иммундық жүйенің жағдайын ескере отырып жүргізу, қауіпсіз жыныстық мінез-құлық сақтау және тұрақты профилактикалық тексерулерден өту аса маңызды.
Әуезов ауданы СЭББ
эпидемиологиялық бақылау
бөлімінің бас маманы
Абжалил Г.М
Ақпарат көзі : https://www.gov.kz/memleket/entities/almaty-auezov/press/news/details/1296442?lang=ru
Жауап қалдыру