«ТОР» платформасы: ведомствоның барлық салалық цифрлық сервистерін біріктірді. Жасанды интеллект технологияларын қолдану арқылы көлік құралдарына мониторинг жүргізіліп, рөлде 8 сағаттан астам отырған жүргізушілер анықталады, сондай-ақ автокөліктер іздестіріледі.
«Ақылды жаяу жүргінші» жүйесі: өңірлерде жаяу жүргіншілерге жол бермеген автокөліктерді тіркейтін 126 құрылғы жұмыс істейді. Олар орнатылған жерлерде жаяу жүргіншілерді қағып кету фактілері тіркелмеген.
«Қорғау» жүйесі: жалған мемлекеттік нөмірмен жүрген, іздеуде жүрген көлік құралдарын жедел анықтауды, сондай-ақ жол қозғалысы ережелерін өрескел бұзатын жүргізушілердің құқық бұзушылықтарын тіркеуді қамтамасыз етеді.
Құқық бұзушылықтарды тіркейтін автоматтандырылған кешендер: еліміздің жолдарындағы мұндай жүйелердің саны 28 мыңнан 32 мыңға дейін ұлғайтылды.
Лазерлік жүйелер: түнгі уақытта және ауа райы жағдайы нашарлаған кезде қозғалыс бағытын көрсету үшін жолдардың 22 учаскесіне 56 құрылғы орнатылды. Жыл соңына дейін тағы 20 учаскеге 48 жүйе орнату жоспарлануда.
Ішкі істер министрі Ержан Сәденов Үкімет отырысында қабылданған шаралар нәтижесінде жол апаты көрсеткіштерінің төмендеуі байқалғанын хабарлады: жол-көлік оқиғаларының саны 5%-ға; қаза тапқандар саны – 15%-ға; зардап шеккендер саны – 6%-ға азайды.
Ақпарат көзі : https://www.gov.kz/memleket/entities/kostanai-kostanai-michurin/press/news/details/1296423?lang=ru
Жауап қалдыру