2026 жылғы 22–24 қыркүйек аралығында Маңғыстау облысында ҚР Үкіметінің тапсырмасы аясында сұйытылған мұнай газы нарығындағы жағдайды тұрақтандыру жөніндегі инспекциялық комиссия жұмыс істеп жатыр. Сапар барысында комиссия мүшелері «ТОО «Казахстанская перерабатывающая компания» ЖШС өндірістік кешенінде болып, сақтау қуаттылықтарының қазіргі жай-күйімен және дамудың келешек жоспарларымен танысты.
Өңірдегі кәсіпкерлер қауымдастығымен өткізілген кеңейтілген кездесу шараның негізгі бөлігіне айналды. Автогаз құю және газ толтыру станцияларының иелерімен ашық сұхбат өтіп, маусымдық тапшылық пен жеткізу логистикасынан бастап нормативтік-техникалық базаны жаңарту мен өнеркәсіптік қауіпсіздік талаптарын күшейтуге дейінгі ауқымды мәселелер талқыланды.
Кеңес барысында ведомствоаралық іс-қимыл мәселелері жеке қаралды. Энергетика, Төтенше жағдайлар, Ішкі істер министрліктерінің, Маңғыстау облысы әкімдігінің, Мемлекеттік сәулет-құрылыс бақылау органдарының, сондай-ақ Қаржылық мониторинг және Мемлекеттік кірістер департаменттері өкілдерінің қатысуымен мынадай мәселелер талқыланды:
• жеке тұрған және жерасты автогаз құю станцияларына арналған құрылыс нормаларын жетілдіру;
• газбен жабдықтау нысандарына жер телімдерін бөлуді реттеу;
• газды нақты өткізу көлеміне сүйене отырып, бөлудің ашық механизміне көшу;
• заманауи газ толтыру станцияларының құрылысына инвестиция тартуды ынталандыру.
Жұмыс қорытындысы бойынша өңірді тұрақты әрі қауіпсіз газбен қамтамасыз етуге бағытталған нақты тапсырмалар әзірленеді.
Ақпарат көзі : https://www.gov.kz/memleket/entities/kpb/press/news/details/1297124?lang=ru
Жауап қалдыру