Экранның арғы жағында не болып жатыр: алматылықтарға радикалды ықпалдың белгілері туралы айтып берді

Іс-шара халықтың құқықтық және діни сауаттылығын арттыруға бағытталған. 

Дәрісті үстіміздегі исламтанушы Ерімбет Рамзан Еділбекұлы өткізді. Ол Қазақстанның діни экстремизм мен терроризм профилактикасы саласындағы мемлекеттік саясатының негізгі бағыттары, сондай-ақ заңнаманы сақтаудың және таратылатын ақпаратқа жауапты қараудың маңыздылығы туралы баяндады.

«Бүгінде шынайы ақпарат мазмұндалған материалдарды деструктивті идеология белгілері бар материалдардан ажырата білу аса маңызды. Әр дереккөзге діни тақырыпты пайдаланып жүргені үшін ғана сенуге болмайды. Ақпаратты тексеру, әлеуметтік желілердегі контенттерге сын көзқараспен қарау және күмәнді материалдарды таратпау маңызды», – деп атап өтті сарапшы.

Кездесуде радикалдық идеологиялардың таралу себептері мен факторларына, азаматтарға әсер ету тәсілдеріне және радикалды ағымдарға тарту белгілеріне ерекше назар аударылды. Қатысушыларға сонымен қатар интернеттегі қауіпсіз мінез-құлық пен діни мазмұнды сыни тұрғыдан бағалау қажеттілігі туралы айтылды.

«Мен үшін әлеуметтік желіде не нәрсеге назар аудару керектігін білу пайдалы болды. Кейде адам өзі оқып жатқан немесе біреуге жіберіп жатқан ақпараттың күмәнді екенін бірден түсінбеуі мүмкін. Мұндай кездесулер ондайға мұқият және жауапты болуға көмектеседі», – деді іс-шараға қатысушы Данияр.

Тыңдаушылар діни қауіпсіздіктің өзекті мәселелері бойынша сұрақтар қоя алып, оған түсініктеме алды. Кездесу соңында оларға экстремизм мен терроризм профилактикасы жөнінде ұсынымдары бар ақпараттық материалдар таратылды.

Алматыдағы экстремизм мен терроризм профилактикасы жөніндегі ақпараттық-түсіндіру жұмыстары жүйелі түрде жалғасып, қаланың барлық аудандарын, сондай-ақ түрлі мекемелерді, ұйымдарды және қоғамдық алаңдарды қамтиды. Мұндай кездесулер халықтың құқықтық және діни сауаттылығын арттыруға, сыни ойлауды қалыптастыруға және деструктивті идеологиялардың таралуын болғызбауға бағытталған. Ақпараттық қауіпсіздік, заңнаманы сақтау және интернет кеңістігінде жауапты мінез-құлық мәселелерін түсіндіруге ерекше назар аударылды.