Мемлекет басшысының көлік инфрақұрылымын дамыту, жолдардың сапасын арттыру және тұрғындар үшін қолайлы жағдай жасау жөніндегі тапсырмалары шеңберінде ауданда жол желісін жөндеу және жаңарту бойынша жобалар дәйекті түрде іске асырылуда.
Жалпыға ортақ пайдаланылатын автомобиль жолдарының жалпы ұзындығы 428,1 км құрайды.
Орташа жөндеу шеңберінде негізгі ресурстар екі және үш жылдық іске асыру мерзімі бар объектілерге бағытталған.
“Дзержинское ауылына кіреберіс” автожолында бюджеті шамамен 1,5 млрд теңге болатын жолдың негізі толығымен дайын. 2027 жылға дейін ұзындығы 18,3 км қалған учаскеге асфальт төсеу жоспарлануда.
“Жітіқара-Берсуат” тас жолында да жұмыстар жалғасады. Тасыбай ауылынан Кусаканға дейінгі учаскені жөндегеннен кейін соңғы 6 шақырым жолды жаңарту қажет.
Желқуар су қоймасына кіреберісте екі су өткізгіш құбырды орташа жөндеуге құжаттама әзірленіп, сараптамадан өтті. Жұмыс құны-133,5 млн теңге. Жоба су тасқыны кезінде жыл сайынғы жолдың шайылу қаупін азайтуға мүмкіндік береді.
Сондай – ақ, “Жітіқара-Берсуат” жолының 7-ден 38-ші км-ге дейінгі учаскесін қиыршық таспен өңдеу жобасы дайындалуда.
Жітіқарада Достық көшесі мен Таран көшесінен Комсомольская және Чернаткин көшелеріне дейінгі жолдарды орташа жөндеуді көздейтін құны 103,9 млн теңге болатын екі жылдық жоба іске асырылуда.
Бұдан бөлек, жолдарды күтіп ұстауға, профильдеуге және шұңқырларды жөндеуге 117 млн теңгеден астам қаражат қарастырылған.
Осы іс-шараларды дәйекті іске асыру жол желісінің жағдайын жақсартуға, қозғалыс қауіпсіздігін арттыруға және аудан тұрғындары үшін қолайлы жағдай жасауға мүмкіндік береді.
Ақпарат көзі : https://www.gov.kz/memleket/entities/kostanai-zhitikarin-yrsai/press/news/details/1297248?lang=ru
Жауап қалдыру