Ботулизм — жүйке жүйесін зақымдайтын ботулиндік токсиннен туындайтын ауыр ауру. Ауыр жағдайларда тыныс алудың бұзылуына және өлімге әкелуі мүмкін.
Ботулизмнің негізгі қауіп факторы — дұрыс дайындалмаған немесе дұрыс сақталмаған тағам өнімдерін, әсіресе үй жағдайында дайындалған консервілерді, саңырауқұлақтарды, ет және балық өнімдерінен жасалған консервілерді тұтыну.
Ботулиндік токсинді өнімнің иісі, дәмі немесе сыртқы түрі арқылы анықтау мүмкін емес. Сондықтан күмәнді консервілерді аз мөлшерде болса да татып көруге болмайды.
Алдын алудың негізгі шаралары:
* үй жағдайында дайындалған консервілерді бейтаныс сатушылардан сатып алмау;
* ісінген, зақымдалған немесе сұйықтық ағып тұрған ыдыстардағы өнімдерді тұтынбау;
* үй жағдайында консервілеу кезінде тексерілген технологияны сақтау;
* тағам өнімдерін дұрыс сақтау.
Негізгі белгілері: көздің қосарланып көруі, қабақтың түсуі, ауыздың құрғауы, сөйлеу және жұтынудың бұзылуы, бұлшықет әлсіздігі, тыныс алудың қиындауы.
Консервіленген өнімдерді тұтынғаннан кейін осындай белгілер пайда болған жағдайда, дереу медициналық көмекке жүгіну қажет.
Есте сақтаңыз: өнімнің қауіпсіздігін оның сыртқы түріне, иісіне немесе дәміне қарап әрдайым анықтау мүмкін емес.
Ақпарат көзі : https://www.gov.kz/memleket/entities/ksek/press/news/details/1298313?lang=ru
Жауап қалдыру