Құрметті аудан тұрғындары!
2026 жылғы күзгі әскерге шақыру науқаны басталды.
Қазақстан Республикасының заңнамасына сәйкес, 18-ден 27 жасқа дейінгі, әскери қызметке шақыруды кейінге қалдыруға немесе одан босатылуға заңды негіздері жоқ ер азаматтар мерзімді әскери қызметке шақырылады.Құрметті ата-аналар мен жастар!
Әскери қызмет – жас азаматтың Отан алдындағы азаматтық борышын өтеуіне, тәртіп пен жауапкершілікті қалыптастыруына, жаңа ортада тәжірибе жинақтауына мүмкіндік беретін маңызды кезең. Осыған байланысты әскерге шақырылуға жататын азаматтарды шақыру бойынша белгіленген уақытта әскери басқару органына келуге, медициналық тексеруден уақтылы өтуге, қажетті құжаттарды белгіленген тәртіппен ұсынуға және әскери есепке қатысты мәліметтерін нақтылауға шақырамыз. Ата-аналарға балаларының әскери қызметке шақыру рәсімдерінен уақтылы өтуіне қолдау көрсетіп, олардың Отан алдындағы азаматтық міндетін жауапкершілікпен орындауына ықпал етулеріңізді сұраймыз. Әскери қызметке шақыру мәселелері бойынша толық ақпарат алу үшін тұрғылықты жеріңіз бойынша қорғаныс істері жөніндегі басқармаға немесе бөлімге жүгінуге болады.
Отанды қорғау – әр азаматтың абыройлы міндеті! Жастарды ел тыныштығы мен қауіпсіздігін қорғауға атсалысуға шақырамыз!
Төлеби ауданы әкімінің баспасөз қызметі
Ақпарат көзі : https://www.gov.kz/memleket/entities/turkestan-tolebi-audany/press/news/details/1298419?lang=ru
Жауап қалдыру