Батыс Қазақстан облысы Төтенше жағдайлар департаменті Өнеркәсіптік қауіпсіздік басқармасы мамандарының қатысуымен өндірістік алаңдағы сынақ зертханасында улы заттардың төгілу салдарларын жою бойынша жоспарлы оқу дабылы ұйымдастырылды.
Аталған іс-шара барысында зертхана персоналы мен авариялық-құтқару қызметі мамандарының бірлескен әрекеттері аясында эвакуациялау алгоритмдері мен зардап шеккендерге алғашқы көмек көрсету тәртібі пысықталды.
дабылы қорытындысы бойынша құтқару операциясының барысын баяулатқан бірқатар кемшіліктер тіркелді. Атап айтқанда, мекеме аумағына кіре берісте қойылған жеке көлік арнайы техниканың өтуіне кедергі келтірсе, шартты төтенше жағдай орын алған қабаттағы өту жолының үстелмен бөгелуі және есіктің толық ашылмауы зардап шеккен адамды эвакуациялау уақытын ұзартып жіберді. Кәсіпорын басшылығы анықталған барлық ескертулерді назарға алып, анықталған олқылықтарды жедел түрде жою үшін тиісті жұмыстарды бастады.
Ақпарат көзі : https://www.gov.kz/memleket/entities/kpb/press/news/details/1298191?lang=ru
Жауап қалдыру