Жезқазған қаласындағы №11 мектептің 9–11 сынып оқушыларымен профилактикалық кездесу өтті. Полиция және прокуратура қызметкерлері жасөспірімдерге заң талаптарын сақтау, құқықтық жауапкершілік және қауіпсіздік мәселелерін түсіндірді. Кездесуде буллинг пен кибербуллингтің алдын алу, түнгі уақытта заңды өкілсіз жүруге жол бермеу, интернет-алаяқтықтан сақтану және жол қозғалысы ережелерін сақтау тақырыптары қамтылды. Оқушылар өздерін қызықтырған сұрақтарын қойып, мамандардан жауап алды. Оқу жылы басталғалы Ұлытау облысының мектептерінде полиция қызметкерлерінің қатысуымен 150-ден астам профилактикалық кездесу мен тәрбие сағаты өткізілді.
Ақпарат көзі : https://www.gov.kz/memleket/entities/mvd-ulytau/press/news/details/1299948?lang=ru
Жауап қалдыру