– Демалыс күндері Павлодар облысының полицейлері жол қозғалысы ережелерін бұзудың 944 дерегін анықтады.
Олардың қатарында басып озу және маневр жасау ережелерін бұзу, жаяу жүргіншілерге жол бермеу, қала ішінде қауіпсіздік белдігін тақпай көлік жүргізу, сондай-ақ көлікті мас күйінде басқару фактілері бар. Бұл туралы Павлодар облысы Полиция департаменті мәлімдеді.
Мас күйінде көлік жүргізгені үшін жауапкершіліктің қатаңдатылғанына қарамастан, әлі де мас күйінде рөлге отыратын азаматтар бар. Осылайша олар өз өміріне ғана емес, жол қозғалысына қатысушылардың өмірі мен денсаулығына да қауіп төндіреді.
Мәселен, екі күн ішінде құқық қорғау органдары көлік құралын мас күйінде басқарған жүргізушілердің 10 фактісінің жолын кесті. Полицейлердің құқық бұзушыларды дер кезінде анықтауы адам өліміне әкелуі мүмкін ауыр жол-көлік оқиғаларының алдын алуға мүмкіндік берді, – деп атап өтті ведомствода.
Сонымен қатар полицейлер қоғамдық және жол қауіпсіздігі – әр адамның жауапкершілігі екенін тағы да еске салады. Құқық қорғау органдары азаматтарды жол қозғалысы ережелерін сақтауға және өңір көшелерінде құқықтық тәртіпті қамтамасыз етуге үлес қосуға шақырады.
Ақпарат көзі : https://www.gov.kz/memleket/entities/mvd-pavlodar/press/news/details/1299974?lang=ru
Жауап қалдыру