Қарағандыда төрт көліктен құралған колонна жол ережесін өрескел бұзды. Қарағандыда патрульдік полиция қызметкерлері жол қозғалысы ережесін өрескел бұзған төрт жүргізушінің әрекетін тоқтатты. Бейнебақылау камераларына түскен кадрларда төрт жеңіл автокөліктің қатар қозғалып, жол таңбасының талаптарын елемей, қауіпті маневр жасағаны көрінеді. Мұндай әрекет өзге жүргізушілер мен жаяу жүргіншілерге қауіп төндірген. Оқиға бейнебақылау жүйесі арқылы анықталып, полиция қызметкерлері құқық бұзушыларды жедел түрде анықтады. Тексеру барысында көлік тізгіндегендердің 27, 26, 25 және 20 жастағы жергілікті тұрғындар екені белгілі болды. Төрт жүргізушінің әрқайсысына маневр жасау қағидаларын бұзғаны және жол таңбасын елемегені үшін әкімшілік хаттамалар толтырылды. Құқық бұзушылар басқарған төрт автокөліктің барлығы мамандандырылған айып тұрағына қойылды. Полиция жол қозғалысы ережелерін бұзу басқа жол қозғалысына қатысушылардың өмірі мен қауіпсіздігіне тікелей қауіп төндіретінін ескертеді. Жүргізушілерді жолдағы тәртіпті қатаң сақтап, қауіпті маневрлерге жол бермеуге шақырады.
Ақпарат көзі : https://www.gov.kz/memleket/entities/mvd-karaganda/press/news/details/1300746?lang=ru
Жауап қалдыру