2022 жылғы 22 тамызда Қазақстан Республикасының Энергетика министрлігі мен «West Precaspian Company» ЖШС арасында Ақтөбе облысының Байғанин ауданында орналасқан «Шұңқыркөл» учаскесінде көмірсутектерді барлау және өндіру жөніндегі № 5087-УВС келісімшарты жасалды.
Келісімшарттық аумақтың жалпы көлемі 3 066,57 шаршы шақырымды құрады.
2025 жылғы 5 қыркүйекте компания жалпы ауданы 777,05 шаршы шақырымды құрайтын келісімшарттық аумақтың бір бөлігін, оның ішінде ауданы 618,86 шаршы шақырым болатын № 2 блокты (Ақтолағай) өз еркімен қайтарды.
Қазіргі уақытта келісімшарттық аумақтың қалған бөлігі 2 295,47 шаршы шақырымды құрайды.
Ақтолағай тауларына жақын орналасқан, ауданы 618,86 шаршы шақырымды құрайтын қайтарылған аумақта геологиялық барлау жұмыстары жүргізілген жоқ.
Жарияланымда Қанжыға учаскесінің солтүстік шекарасы Ақтолағай үстіртінің тау жотасынан 500 метр қашықтықта орналасқан деген мәлімет шындыққа сәйкес келмейді.
Іс жүзінде Қанжыға учаскесінің солтүстік шекарасы Ақтолағай үстіртін құрайтын тау жотасынан 17 000 метр (17 шақырым) қашықтықта орналасқан.
Сондай-ақ Ақтолағайдан 3–4 шақырым қашықтықта ұңғыма бұрғыланады деген ақпарат шындыққа сәйкес келмейді.
Жобаланған WPC-3 іздеу-барлау ұңғымасы Ақтолағайдың борлы тау жотасынан оңтүстік-шығысқа қарай шамамен 20 шақырым қашықтықта орналасқан.
Ақпарат көзі : https://www.gov.kz/memleket/entities/aktobe-industiya-innovatsiya/press/news/details/1301558?lang=ru
Жауап қалдыру