Ғабит Мүсірепов ауданының кәсіпкерлік бөлімі маманы ауылдық округ маманымен бірлесіп, Чистополье ауылының сауда нысандарына барды.

Іс-шара барысында әлеуметтік маңызы бар азық-түлік тауарларының (ӘМАТ) тізбесіне енгізілген негізгі азық-түлік өнімдерінің бөлшек саудадағы бағалары тексерілді. Мониторингтің негізгі мақсаты – белгіленген сауда үстемесінің сақталуын бақылау және негізгі азық-түлік өнімдері бағасының негізсіз өсуіне жол бермеу.

Мониторинг қорытындысы бойынша сауда нысандарының иелерімен заңнама талаптарын сақтау, әлеуметтік маңызы бар тауарлардың тұрақты бағасын қамтамасыз ету, сондай-ақ алкоголь өнімдерін өткізу және осы саладағы заңнама талаптарын сақтау мәселелері бойынша түсіндіру жұмыстары жүргізілді.