Аудан әкімі Мейрам Мендыбаевтың төрағалығымен өткен аудан әкімдігінің отырысында «Айыртау ауданы әкімдігінің дене шынықтыру және спорт бөлімі» КММ басшысының міндетін атқарушы А.С. Болатбекова аудандағы спорт нысандары мен хоккей корттарының жағдайы туралы баяндады.
Айя Сұлтанқызының мәліметінше, бүгінгі таңда Айыртау ауданының аумағында 184 спорт нысаны жұмыс істейді. Оның ішінде: 1 көпфункционалды спорт кешені, 1 дене шынықтыру-сауықтыру кешені, 1 атыс тирі, 1 ату алаңы, Саумалкөл ауылындағы 1 жүзу бассейні, 48 спорт залы, 27 хоккей корты, 51 спорт алаңы, сондай-ақ жасанды жабындысы бар футбол алаңдарын қоса алғанда, 53 футбол алаңы бар. Сонымен қатар, 2026 жылы 5 шағын футбол алаңы салынды.
Аудан тұрғындарының дене шынықтырумен және спортпен жүйелі түрде айналысатын саны 14 409 адамды немесе аудан халқының жалпы санының 44%-ын құрайды.
Хоккей корттары қысқы кезеңде хоккеймен шұғылдануды, жаппай коньки тебуді ұйымдастыруда және спорттық іс-шаралар өткізуде маңызды рөл атқарады. Сонымен бірге хоккей корттарының жағдайын тексеру және талдау нәтижесінде Лобаново, Төменгі Бұрлық, Кирилловка, Всеволодовка, Елецкое, Гусаковка, Айыртау, Арықбалық, Қамсақты, Сырымбет және Шұқырлык елді мекендеріндегі бірқатар нысандарда жөндеу-қалпына келтіру жұмыстарын жүргізу қажет екені анықталды.
Жекелеген нысандар бойынша олардың тозу деңгейін растайтын есептен шығару актілері комиссиялар тарапынан жасалды. Осыған байланысты қалпына келтіруге жататын, сондай-ақ қалпына келтіру экономикалық тұрғыдан тиімсіз нысандарды нақты айқындау ұсынылды.
Хоккей корттарына қатысты аудан әкімі олардың санын еш жағдайда азайтпау жөнінде тапсырма берді. Керісінше, қосымша хоккей корттары қажет болатын елді мекендерді анықтау мәселесін қарастыруды тапсырды. Барлық нысандарды ретке келтіріп, қыс маусымының басталуына дайындау қажет.
Бұдан бөлек, бөлім басшысы ауылдық округтердің аудандық және облыстық спорттық жарыстарға қатысуына қатысты бірқатар сын-ескертулер айтты.
2026 жылғы 1 қыркүйектегі жағдай бойынша Айыртау ауданында 50 спорттық-бұқаралық іс-шара өткізіліп, оған 3 315-тен астам адам қатысты. Сонымен қатар әртүрлі әкімшілік аумақтар тұрғындарының спорттық іс-шараларға қатысу белсенділігі біркелкі емес.
Аудандағы 14 ауылдық округтің тек 9-ы, яғни 64,3%-ы аудандық жарыстарға тұрақты түрде қатысады. Олар: Арықбалық, Имантау, Украин, Антоновка, Елецкое, Сырымбет, Қамсақты, Лобанов және Володар ауылдық округтері.
Ал 5 ауылдық округтің әкімдері – Гусаковка, Қазан, Константиновка, Төменгі Бұрлық және Қаратал ауылдық округтері, яғни олардың жалпы санының 35,7%-ы – өз командаларының аудандық спорттық іс-шараларға жүйелі түрде қатысуын қамтамасыз етпейді.
Бұл жағдай спортшыларды іріктеу және Айыртау ауданының облыстық деңгейдегі жарыстарға қатысатын құрама командаларын толық жасақтау мүмкіндігіне кері әсерін тигізеді.
Қалыптасқан жағдайдың себептерін талдап, ауылдық округ әкімдерінің баяндамаларын тыңдаған аудан әкімі күнтізбелік жоспарға сәйкес аудандық спорттық іс-шараларға командаларды жасақтап, олардың қатысуын қамтамасыз етуді тапсырды.
Сонымен қатар тұрғындарды, оның ішінде ауыл жастарын дене шынықтырумен және спортпен айналысуға тарту бойынша жұмысты ұйымдастыру жөнінде тапсырма берілді.
Ақпарат көзі : https://www.gov.kz/memleket/entities/sko-airtau/press/news/details/1303142?lang=ru
Жауап қалдыру