1 қазан – Қарттар күні қарсаңында біз көп жылдық еңбегі мен кәсіби тәжірибесі ерекше құрметке лайық адам туралы айтқымыз келеді.
Шахбутова Амина Жанзаковна 40 жылдан астам еңбек қызметіне, оның 30-дан астамы – халықты әлеуметтік қорғау саласына арнады.
Ол өзінің кәсіби жолын 1982 жылы дәрігер-терапевт ретінде бастады. 1987 жылдан бастап оның қызметі медициналық-әлеуметтік сараптамамен байланысты болды. Амина Жанзаковна жұмыс істеген жылдары дәрігер-сарапшыдан Департамент директорының орынбасарына дейінгі жолдан өтті.
Департаментте жұмыс істеген кезде Амина Жанзаковна өзінің білімі мен кәсіби тәжірибесін әріптестерімен жомарттықпен бөлісті, жас мамандарға сараптамалық жұмыстың қыр-сырын меңгеруге көмектесті. Бүгінгі таңда медициналық-әлеуметтік сараптама мамандары ұрпақтан-ұрпаққа берілген тәжірибе мен білімге сүйене отырып, өзінің қалыптасқан кәсіби дәстүрлерін жалғастыруда.
2018 жылы Амина Жанзаковна лайықты демалысқа шықты, алайда өзінің білімі мен бай кәсіби тәжірибесін адамдардың игілігі үшін қолдана отырып, сарапшы дәрігер болып жұмыс істеуді жалғастыруда.
Оның кәсіби жолы – адамдарға деген адалдықтың, жауапкершіліктің және ұзақ жылдар бойы қызмет етудің үлгісі. Аға буын тәжірибесі – бұл әріптестердің жұмысында сақталатын және бүгінгі күні қоғамға қызмет етуді жалғастыратын баға жетпес мұра.
Ақпарат көзі : https://www.gov.kz/memleket/entities/enbek-kostanay/press/news/details/1302988?lang=ru
Жауап қалдыру