«Қостанай теміржол ауруханасы» ЖШС нысанында Қостанай гарнизонының күштері мен құралдарын тарта отырып, өрт-тактикалық оқу-жаттығу өткізілді.
Оқу-жаттығу барысында жеке құрам денсаулық сақтау нысанында шартты өрт туындаған кездегі іс-қимыл алгоритмін пысықтады. Бөлімшелердің жедел келуіне, барлау жүргізуге, күштер мен құралдарды өрістетуге, шартты өртті сөндіруді ұйымдастыруға, сондай-ақ шұғыл қызметтердің үйлесімді өзара іс-қимылына ерекше назар аударылды.
Өрт-тактикалық оқу-жаттығуға №5 ӨСБ, №6 ӨСБ, №1 МӨСБ, Жедел-құтқару жасағы және Апаттар медицинасы орталығының бөлімшелері қатысты.
Оқу-жаттығуға барлығы 8 бірлік техника мен 28 адам жеке құрам жұмылдырылды.
Мұндай оқу-жаттығуларды өткізу қызметкерлердің кәсіби дағдыларын жетілдіруге, бөлімшелердің өзара іс-қимылын пысықтауға және күштер мен құралдардың ықтимал төтенше жағдайларға жедел ден қоюға дайындығын арттыруға мүмкіндік береді.
Ақпарат көзі : https://www.gov.kz/memleket/entities/emer-kostanay/press/news/details/1303159?lang=ru
Жауап қалдыру