Жыланды ауылдық округінде 1 қазан – Халықаралық қарттар күніне орай «Қариясы бар ел – қазыналы ел» атты мерекелік кеш өтті.
Мерекелік шараның басты мақсаты – аға буын өкілдеріне құрмет көрсету, олардың өмірлік тәжірибесі мен еңбегін дәріптеу, ұрпақтар сабақтастығын нығайту.
Кеш барысында қарияларға жылы лебіздер мен ізгі тілектер айтылып, мерекелік көңіл-күй сыйлайтын концерттік бағдарлама ұсынылды. Аға буын өкілдеріне зор денсаулық, ұзақ ғұмыр, отбасыларына амандық пен береке тілеп, ел дамуына қосқан үлестері үшін алғыс білдірілді.
Қариясы бар ел – қазыналы ел. Аға буынға құрмет көрсету – ұрпаққа өнеге, елге береке.
Жыланды ауылдық округі әкімдігі барша қарт тұрғындарды мерекемен құттықтап, мықты денсаулық, ұзақ өмір, отбасылық бақыт пен бақ-береке тілейді!
Ақпарат көзі : https://www.gov.kz/memleket/entities/zhetysu-alakol-zhylandy/press/news/details/1303887?lang=ru
Жауап қалдыру