Қарттар күніне орай Н.Байғанин атындағы аудандық мәдениет үйінде «Қарттарым – асыл қазынам» атты мерекелік шара өтті.
Шара барысында аудан әкімі А.Жақсылықов қарияларды мерекемен құттықтап: «Бүгінде Темір ауданында жалпы 3912 зейнеткер бар. Мемлекет басшысы Қасым-Жомарт Кемелұлы өз Жолдауында жастарды отаншылдыққа тәрбиелеуде, бірлікке бастауда аға буынға жүк артатынын айтқан болатын. Қазіргі таңда ауданымыздағы қоғамдық жұмыстарда, жастарға тәлім-тәрбие беруде қарттарымыздың қосып отырған үлесі зор. Сіздердің белсенділіктеріңіз – елдің бірлігі мен ынтымағын арттырып, жас ұрпаққа үлгі болып келеді”,- деп өз ризашылығын білдірді.
Сонымен қатар, елдің қоғамдық өміріне белсенді араласып, ауданның дамуына үлес қосып жүрген бірқатар ардагерлер марапатталды.
Мерекелік шара концерттік бағдарламамен жалғасып, аға буын өкілдеріне арналған ән-жыр тарту етілді.
Қарияларымыздың өмір жолы – кейінгі ұрпаққа өнеге, ал олардың ақылы мен тәрбиесі – елдің рухани қазынасы.
Ақпарат көзі : https://www.gov.kz/memleket/entities/aktobe-temir/press/news/details/1303412?lang=ru
Жауап қалдыру