Мамандандырылған мекеменің құрылуы тұрмыстық зорлық-зомбылықтан зардап шеккен адамдарға қажетті әлеуметтік, заң көмегін және психологиялық көмек көрсетуді, сондай-ақ уақытша тұру мүмкіндігін қамтамасыз етуге бағытталған. Орталық 50 орынға есептелген және Солтүстік Қазақстан облысының барлық аумағынан тұрмыстық зорлық-зомбылықтан зардап шеккен әйелдерді орналастыруға арналған.
Дағдарыс орталығының үй-жайларын аралап көрдім. Бару барысында уақытша тұру жағдайлары, қауіпсіздік мәселелері, үй-жайлардың санитариялық-гигиеналық жай-күйі, тамақтануды ұйымдастыру, сондай-ақ әйелдер мен кәмелетке толмағандарға құқықтық және психологиялық көмек көрсету тәртібі қаралды.
Орталықтың қызметі тұрмыстық зорлық-зомбылықтан зардап шеккен азаматтардың құқықтарын қорғау саласындағы Қазақстан Республикасының заңнамасы, сондай-ақ әйелдер мен балалардың құқықтарын қорғау саласындағы Қазақстан Республикасының халықаралық міндеттемелері ескеріле отырып жүзеге асырылады.
Ақпарат көзі : https://www.gov.kz/memleket/entities/ombudsman-sko-oblysy/press/news/details/1304191?lang=ru
Жауап қалдыру