Оқушылар 3 тоннаға жуық макулатура жинады: Қарағанды облысында экобайқау қорытындыланды

Қарағанды облысында мектеп оқушылары, педагогтер мен білім беру ұйымдарын маңызды экологиялық бастамалар төңірегіне топтастырған «ЭкоҚаһарман–2026» облыстық экологиялық байқауының жеңімпаздары анықталды.

Байқау барысында қатысушылар қайталама шикізатты жинау және сұрыптау шараларына белсене қатысып, экологиялық акциялар ұйымдастырды. Олар қоршаған ортаға жауапкершілікпен қараудың жарқын үлгісін көрсетті.

Байқаудың басты нәтижелерінің бірі – жиналған қайталама шикізаттың қомақты көлемі. Мектеп оқушылары қабылдау пункттеріне 3 тоннаға жуық макулатура өткізді. Сонымен қатар қайта өңдеуге жіберілген 230 килограмм пластик жиналды.

Байқау жеңімпаздары бірнеше номинация бойынша анықталды.

«Instagram желісіндегі ең белсенді команда»

1-орын – Қарағанды қаласының №5 мектеп-қосымша білім беру орталығы.

2-орын – №46 жалпы білім беретін мектеп.

3-орын – Теміртау қаласының №19 жалпы білім беретін мектебі.

«Макулатура жинаудан көшбасшы»

1-орын – Бірінші Теміртау классикалық лицейі.

2-орын – Қарағанды қаласының №5 мектеп-қосымша білім беру орталығы.

3-орын – Абай қаласының Шоқан Уәлиханов атындағы мектеп-лицейі.

«Пластик жинаудан көшбасшы»

1-орын – №6 жалпы білім беретін мектеп.

2-орын – №14 мектеп-гимназиясы.

3-орын – Қарағанды қаласының №5 мектеп-қосымша білім беру орталығы.

«Ең белсенді мектеп»

1-орын – Теміртау қаласының №19 жалпы білім беретін мектебі.

2-орын – Қарағанды қаласының №53 мектеп-лицейі.

3-орын – Абай қаласының Қаныш Сәтбаев атындағы мектеп-қосымша білім беру орталығы.

«ЭкоҚаһарман–2026» байқауы экологиялық тәрбие нақты әрекеттен басталатынын көрсетті. Оқушылардың осындай бастамаларға қатысуы – Қарағанды облысының бүгінгі тазалығына қосылған үлес қана емес, сонымен қатар өңірдің болашағына жауап беретін экологиялық мәдениеті қалыптасқан ұрпақты тәрбиелеуге бағытталған маңызды қадам.

Қарағанды облысының табиғи ресурстар және табиғат пайдалануды реттеу басқармасының ақпараты бойынша

природопользования Карагандинской области

Ақпарат көзі : https://www.gov.kz/memleket/entities/karaganda/press/news/details/1306829?lang=ru