Ауа райы бұлтты болғанына қарамастан, бүгін қарағандылықтар Орталық саябаққа жиналып, Дүниежүзілік туризм күнін бірге атап өтті.
Қонақтардың ерекше қызығушылығын туристік алаң тудырды. Мұнда белсенді демалысқа қажетті түрлі құрал-жабдықтармен танысып, шатырды дұрыс тігуді үйренуге және туристік бағыттағы практикалық белсенділіктерге қатысуға мүмкіндік болды.
Мерекелік шара көтеріңкі көңіл-күйге, қозғалысқа және таза ауада отбасымен бірге уақытты пайдалы әрі қызықты өткізуге ұласты.
Мұндай іс-шаралар туған өлкенің туристік мүмкіндіктері туралы көбірек білуге, жорық мәдениеті мен белсенді демалыс түрлерімен танысуға және Қарағанды облысының жаңа жерлерін ашуға мүмкіндік береді.
Туризм — бұл тек алысқа саяхаттау емес, сонымен қатар үйіңе жақын жерде уақытты қызықты әрі пайдалы өткізудің мүмкіндігі!
Ақпарат көзі : https://www.gov.kz/memleket/entities/karaganda-kasipkerlik/press/news/details/1307734?lang=ru
Жауап қалдыру