Қазақстанда «Бір бала — бір ваучер» пилоттық жобасы аясында балалар үйірмелерін қаржыландыру кезінде 38 мыңнан астам бұзушылық анықталды. Атап айтқанда, ваучерлердің дубликатталуы, дербес деректердің алмастырылуы және балаларды жалған түрде қабылдау фактілері тіркелді. Сондай-ақ тексеру барысында қызмет көрсететін 1804 жеткізушінің 170-і қосымша білім беру бейініне сәйкес келмегені белгілі болды.
Бұл бұзушылықтарды OQU цифрлық жүйесі, QR-сканерлеу және Face ID технологияларының көмегімен әшкерелеу мүмкін болды. Қазіргі таңда пилоттық жоба тағы бес өңірге кеңейтіліп, қазіргі уақытта 11 облыста жұмыс істеп тұр. Оның іске асырылу мерзімі 2027 жылғы 1 қыркүйекке дейін ұзартылды.
Ақпарат көзі : https://www.gov.kz/memleket/entities/almaty-bala/press/news/details/1307868?lang=ru
Жауап қалдыру